MEDIACIÓN

Calquera estudante do CIFP Ánxel Casal – Monte Alto que desexe resolver un conflito de forma pacífica con alumnado do mesmo centro.
Todas as solicitudes serán avaliadas polo equipo coordinador para determinar se a situación presentada é mediable. En todo caso, tomando como referencia o NOF do CIFP Ánxel Casal – Monte Alto, non se iniciarán procesos de mediación nas situacións que
concorran as seguintes circunstancias:

• A gravación, a manipulación e a difusión por calquera medio, de imaxes, arquivos de audio ou calquera outra información, que atente contra o dereito á honra, a dignidade da persoa, a intimidade persoal e familiar e a propia imaxe dos demais membros da comunidade educativa.
• As actuacións que constitúan acoso escolar consonte o establecido polo artigo 28 da Lei 4/2011.
• A suplantación de personalidade en actos da vida docente e a falsificación, alteración ou subtracción de documentos académicos.
• Os danos graves causados de forma intencionada ou por neglixencia grave ás instalacións e aos materiais dos centros docentes, incluídos os equipos informáticos, o sistema operativo e software instalado, ou aos bens doutros membros da comunidade educativa ou de terceiros, así como a súa subtracción.
• Os actos inxustificados que perturben gravemente o normal desenvolvemento das actividades do Centro, incluídas as de carácter complementario e extraescolar.
• As actuacións gravemente prexudiciais para a saúde e a integridade persoal dos membros da comunidade educativa do Centro, ou a incitación a elas.
• O desacordo do alumnado con respecto aos criterios de cualificación recollidos na programación dos módulos.
• O incumprimento das sancións impostas.
• Portar calquera obxecto, substancia ou produto gravemente perigoso para a saúde ou a integridade persoal de calquera membro da comunidade educativa.
• A reiteración nun mesmo curso escolar de condutas leves contrarias á convivencia.
• Outras, determinadas desde o equipo coordinador do servizo, unha vez levada a cabo a avaliación do caso.